වර්තමානයේ අප රට මුහුණපා ඇති දැවැන්තම අභියෝගය වශයෙන් අප පක්ෂය හඳුනාගෙන ඇත්තේ දක්ෂ වෘත්තිකයින් දේශපාලනයට ආකර්ෂණය නොවීමයි. පවතින දේශපාලන ව්‍යුහය තුල ක්‍රියාකාරීව දේශපාලනය කිරීම පවතින කාර්මික වටපිටාව තුළ තවදුරටත් ගරු සේවයක් ලෙස අප නොසලකන්නෙමු.

දේශපාලන නායකයන්ද, බලයට පත්වන පාලකයන්ද, නිලධාරීන්ද, සේවකයන්ද වරදට, වංචාවට, අල්ලසට, දූෂණයට නැඹුරු වීමට මෙය මූලික හේතුවක් වී ඇත. විශේෂයෙන්ම දේශපාලන ක්ෂේත්‍රයේ වෘත්තිකයින්ට ඒ තුළට ඇතුළුවී එම සේවයට සරිලන වැටුප් හා වරප්‍රසාද නොලැබීම, සාර්ථක නිර්මාණ හා ව්‍යාපෘති ඇගයීමට ලක් නොවීම, ඔවුන්ගේ වෘත්තියේ ගරුත්වය හා අභිමානය රැකෙන අයුරින් සමාජයේ ගෞරවාන්විතව ජීවත් වීමට නොහැකිවීම ආර්ථික හැකියාවක් නොහැකිවීම යන කරුණු මත මෙය උද්ගත වී ඇත. 

තම ආත්මගරුත්වය රැකගෙන දූෂණයෙන් තොරව අභිමානයෙන් ගෞරවාන්විතව ඉහළ ගුණාත්මක සේවාවක් සපයන්නෙකුට එම වෘත්තියට ගැළපෙන ඉහළම වැටුප් හා වරප්‍රසාද ලැබිය යුතු බව අප පක්ෂය තරයේ විශ්වාස කරන්නෙමු. පෞද්ගලික අංශයේ විධායක තනතුරු සඳහා ඉහළම වැටුප් ගෙවනු ලබන්නේ නියමිත ඉලක්ක සපුරා ගැනීම සඳහායි. මෙම තත්වය තුළ ගුණාත්මක බවින් ඉහළම තලයේ වෘත්තිකයින් පෞද්ගලික අංශයේ සේවයේ යෙදෙන අතර දේශපාලන කටයුතු සඳහා වෘත්තියක් වශයෙන් නැඹුරු වී ඇත්තේ ගුණාත්මක බවින් අඩු පෞද්ගලික අංශය තුළ සාර්ථක නොවූ පිරිස්ය. එබැවින් වරප්‍රසාද සහිතව කැබිනට් ඇමතිවරයෙකුගේ සිට ප්‍රාදේශීය සභා මන්ත්‍රීවරයෙකු දක්වා උපරිමය ශ්‍රී ලංකා රු. ලක්ෂ 25 ක් හා අවමය රු.ලක්ෂයක වැටුපක් ලබාදිය යුතු බව අප පක්ෂයේ හැඟීමයි.

මෙමඟින් පෞද්ගලික අංශයේ සහ විදේශගතව සිටින දක්ෂ වෘත්තිකයින් මෙරට දේශපාලනය සඳහා  ආකර්ශණය කර ගැනීමට මෙම පසුබිම සකස් කර ගැනීම අවශ්‍ය වේ. ඒ් අනුව අප පක්ෂය ඒ සඳහා කටයුතු කිරීමට අපේක්ෂිතය.

දේශපාලනික සියළු තනතුරු සඳහා විශේෂ  සුදුසුකම් ලෙස පහත සඳහන් සුදුසුකම් සපුරා තිබිය යුතුය.