ஒரே வார்த்தையில் கூறினால் ஊழல்.

ஒரே வார்த்தையில் கூறினால் ஊழல். Corruption in one word

பல தசாப்தங்களாக ஊழல் அரசியல்வாதிகள் மற்றும் ஊழல் அரச அதிகாரிகள் கூட்டாக அதனை படிப்படியாக செய்ததுடன், அந்த நிலைமை இன்று நாட்டின் அனைத்து பிரிவுகளுக்கும் பரவியுள்ளது.

மறைத்து வைக்கப்பட்டிருந்த நாட்டின் தற்போதைய கடன் நெருக்கடி கொவிட் பெருந்தொற்றின் போது வெளிவந்த போதிலும் ஆட்சியாளர்களின் முறையற்ற பொருளாதார முகாமைத்துவம் காரணமாக தனியார்துறை உட்பட பொருளாதாரத்தின் சகல பிரிவுகளும் செயல் இழந்தன.

2009 யுத்தத்திற்கு பின்னரான காலப்பகுதியில் இருந்து 10 வருடங்களுக்குள் சர்வதேச அரச பத்திரங்களை (International sovereign bonds-ISB) பயன்படுத்தி சர்வதேசக் கடனாகப் பெறப்பட்ட 18 பில்லியன் அமெரிக்க டொலர்கள் ஊழல் மிகுந்த வழிகளில் செலவு செய்யப்பட்டமையே இன்று நிலவும் பொருளாதார நெருக்கடிக்கு பிரதானக் காரணமாகும்.

சர்வதேசத்தின் தரப்படுத்தலுக்கு அமைய நாடு வீழ்ச்சி கண்டதனாலயே 2021ல் ISB கடன்குமிழ் வெடித்து சிதறியது என்பதை பொருளாதார நிபுணர்கள் அறிவர்.

இது எமது நாட்டின் 'படித்த ஊழல் அரச அதிகாரிகள் மற்றும் படிப்பறிவற்ற ஊழல் அரசியல்வாதிகளினால் ' செய்யப்பட்ட பொருளாதாரக் கொலையாகும். இது 2023 ல் உயர்நீதிமன்றத்தின் இலக்கம் SEFR 195/2022 வழக்கின் தீர்ப்பின் மூலமும் உறுதிப்படுத்தப்பட்டுள்ளது. தற்கால பொருளாதார, சமூக, மத, அரசியல் நெருக்கடியில் இருந்து மீண்டெழ வேண்டுமாயின் குறுங்கால,, மத்திய, நீண்டகால ரீதியில் நடைமுறை சாத்தியமான திட்டங்கள் தீட்டப்பட்ட வேண்டும். அவற்றிற்கு அடிப்படையாகக் கொள்ளப்பட வேண்டியவை,

1. நியாயமான பணம் ஈட்டல் முறை.
2. சட்டத்தின் ஆதிக்கத்தின் அடிப்படையில் செயற்படல்.
3. கண்டறியப்பட்ட சமூகப் பிரிவுகளை வலுவூட்டல்.
4. உற்பத்தி மற்றும் ஏற்றுமதி பொருளாதாரத்தை வலுவூட்டலும் அதன் பொருட்டு ஒரு புதிய முறையை உருவாக்குதலும்.