01 . රටේ ස්වෛරී බවත්, අභිමානයත් ආරක්ෂා වන නිදහස් ස්වාධීන විදේශ ප්‍රතිපත්තියක්.

 02 . මහජන නියෝජිතයන් සහ පුරවැසියන් යන දෙපාර්ශවයටම සමානව ක්‍රියාත්මක වන, පහසුවෙන් යාවත්කාලීන කිරීමේ ප්‍රතිපාදන සහිත සහ කාල වකවානුවට සහ සන්දර්භයට උචිත ලෙස කාර්‍යක්ෂමව නීති ක්‍රියාත්මක කරවීම සඳහා වන ජාතික ප්‍රතිපත්තියක්.

 03 . රටේ ආර්ථික සංවර්ධනය වේගවත් කිරීමට උචිත පසුබිම සකස් කර ගැනීම සඳහා සමාජ සාධාරණය සහ සුභසාධනය සඳහා අවශ්‍ය රාජ්‍ය ආදායම පුළුල් කර ගැනීමට සරල සහ ගැළපෙන කාර්‍යක්ෂම බදු ප්‍රතිපත්තියක්. 

04 . ආහාර සුරක්ෂිතතාව සපුරා ගැනීම, දේශීය කෘෂිකර්මය ආරක්ෂා කර ගැනීම සහ නගා සිටුවීම සහ ප්‍රවර්ධනය සඳහා පුළුල් කෘෂිකාර්මික ප්‍රතිපත්තියක්.

05 . අධ්‍යාපනයේ සම අවස්ථා තහවුරු කරමින්, දැනුමෙන් කුසලතාවයෙන් සහ නිපුනත්වයෙන් පිරි විනයගරුක පූර්ණ පුරවැසියෙකු බිහි කිරීම සඳහා වූ සමස්ථ අධ්‍යාපන පද්ධතිය ආවරණය වන පුළුල් ජාතික අධ්‍යාපන ප්‍රතිපත්තියක්.

06. සමස්ථ ජනතාවම ආවරණය වන රෝග නිවාරණය, සුව කිරීම, පෝෂණ අවශ්‍යතා සැපයීම ඉලක්ක කොටගත් පුළුල් සෞඛ්‍ය හා ඖෂධ ප්‍රතිපත්තියක්.

07. දේශීය කර්මාන්ත, කෘෂිකර්මාන්ත, ව්‍යවසාය ව්‍යාපාර, ආනයන අපනයන මෙන්ම විදේශ ආයෝජන යන සියලු අංශ ප්‍රවර්ධනයට ඉවහල් වන පුළුල් දේශීය විදේශීය වෙළඳ ප්‍රතිපත්තියක්.

08. සියළුම මහජන නියෝජිතයන්ට සහ රාජ්‍ය හා පෞද්ගලික අංශවල සේවකයින්ට අභිමානවත් ලෙස ජීවත් වීම සඳහා වන ගෞරවනීය වැටුප් ප්‍රතිපත්තියක්.  

09. අල්ලස, දූෂණය සහ නිලධාරීවාදයෙන් තොර කාර්‍යක්ෂම, ඵලදායී රාජ්‍ය සේවයක් ඇති කිරීම සඳහා කිසිදු දේශපාලන මැදිහත්වීමකින් තොර වූ, සේවකයන් බඳවා ගැනීමට සහ උසස්වීම් ලබා දීමට හැකි ජාතික රාජ්‍ය සේවා ප්‍රතිපත්තියක්.

 10. පුනර්ජනීය බලශක්තිය සැපයීම ප්‍රවර්ධනය කරමින්, දේශීය බලශක්ති අවශ්‍යතා සපුරා ගැනීම සහ අඛණ්ඩ සේවාවක් සැපයීම සඳහා වන ජාතික බලශක්ති ප්‍රතිපත්තියක්.

11. පරසර හිතකාමී සුවපහසු පොදු ප්‍රවාහන සේවාවක් සඳහා වූ ජාතික ප්‍රවාහන ප්‍රතිපත්තියක්.

12. ශ්‍රී ලංකාවේ සීමිත භූමි සම්පත කෘෂී, වන රක්ෂිත, ජලාශ, ඉදිකිරීම් හා ඒ ආශ්‍රිත ක්ෂේත්‍ර තිරසර කළමණාකරණය සඳහා ජාතික නිවාස සහ ඉදිකිරීම් ප්‍රතිපත්තියක්.

13. මිනිසා ඇතුළු මිහිතලය මත වෙසෙන සියලු ජීවීන්ගේ පැවැත්ම තහවුරු කරන පරිදි ජලය, වාතය, පස සහ ශබ්ද දූෂණය අවම කරමින් පරිසර පද්ධති සුරැකීම, වර්ධනය සහ අලංකාරය සහතික කිරීම උදෙසා වන කසල කළමනාකරණය සඳහා වන ජාතික ප්‍රතිපත්තියක්.

 14. සිය වෘත්තීය නිපුනතාවන් වර්ධනය කර ගන්නට අවස්ථාව සලසා දෙමින් වැටුප් විෂමතාව අවම කරන කම්කරු ප්‍රතිපත්තියක්.

15. ආහාර සුරක්ෂිතතාවය, ඖෂධ සහ සෞඛ්‍ය පහසුකම් සැපයීමේ ක්‍රියාවලිය විධිමත් කිරීම සහ පාරිභෝගික අයිතීන් තහවුරු වන ජාතික වෙළඳ ප්‍රතිපත්තියක්.

16. අවධානමට ලක්විය හැකි පුද්ගලයින් ආරක්ෂා කිරීම, දිළිඳුකම තුරන් කිරීම, සමාජ සුභසාධනය සහ ආපදා කළමනාකරණය සම්බන්ධ සියලු ක්ෂේත්‍ර ආවරණය කරන ජාතික සුභසාධන ප්‍රතිපත්තියක්.

17. තාක්ෂණික භාවිතාවන් සහ නව සොයාගැනීම් දිරිමත් කිරීම මෙන්ම ප්‍රමුඛතා මත පදනම්ව වූ ජාතික සංවර්ධන ක්‍රියාවලියේ දී අදාල ආයතන අතර සම්බන්ධීකරණය සඳහා වන ජාතික සංවර්ධන ප්‍රතිපත්තියක්.

18. විදේශ විනිමය ඉපයීම, දේශීය දැනුම හා තාක්ෂණ හුවමාරුව සහ ශ්‍රී ලාංකිකත්වය ලෝකයට ගෙනයාම ප්‍රමුඛ කරගත් සංචාරක කර්මාන්තය ප්‍රවර්ධනය සඳහා වූ ජාතික උරුම ප්‍රතිපත්තියක්.

19. ළමයින්,යෞවනයන් ඇතුළු පිරිස් මත්ද්‍රව්‍ය භාවිතය සහ සමාජ මාධ්‍ය මගින් සිදුවී ඇති අහිතකර ඇබ්බැහිවීම්, අහිතකර පෙළඹවීම්, බලපෑම් සහ අපහසුතාවයන්ට ලක්වීම් වලින් වළක්වා ගැනීම, මුදා ගැනීම සහ පුනරුත්ථාපනය සඳහා වන ජාතික සමාජ ආරක්ෂණ ප්‍රතිපත්තියක්.

20. සෘජු රාජ්‍ය මැදිහත් වීමෙන් තොර ස්වාධීන ජනමාධ්‍ය නියාමන කොමිෂමක්.

21. ජන සහභාගිකත්වයෙන් යුතුව රටට ගැලපෙන පුර්ණ ලිබරල් ප්‍රජාතන්ත්‍රවාදී නව ආණ්ඩුක්‍රම ව්‍යවස්ථාවක් හඳුන්වා දීම හා පවතින නීති පද්ධතිය යුගයට ගැලපෙන අයුරින් ප්‍රතිසංස්කරණ ක්‍රමවේදයක් ඔස්සේ යාවත්කාලීන කිරීම.